Mjaftojnë dy ndeshje për të thënë që Tirana ka fituar një portier. Po, po, sepse Mustafë Abdullahu tregoi kundër Vllaznisë dhe dje në derbi ndaj Tiranës, një personalitet të pazakontë për një 19-vjeçar që mbron portën e klubit më të trofeshëm në Shqipëri.
I riu erdhi në fund të vitit të kaluar për herë të parë në vendin tonë, pasi kishte luajtur me të rinjtë e Llapit të Podujevës dhe klubin e Feronikelit në Ligën e Parë kosovare. Mirëpo, afirmimi i tij u bë në Kategorinë e Parë me Besën e Kavajës në muajt janar-maj 2023.
Vetëm një muaj më parë, klubi bardheblu e afroi nga Besa, duke nënshkruar një kontratë 5-vjeçare. Lojtari ia doli që të marrë skenën te bardheblutë, aq sa Ilion Lika hapi krahun dhe i dha mundësi kosovarit që të ishte në fushë titullar në sfidën me Vllazninë në Kukës.
Bardheblutë pas Bekajt kanë gjetur një tjetër gardian, i cili do të mbrojë portën deri në kthimin e Selmanit.
PANOAMASPORT.AL
